حماتي وجوزي دخلوا غرفه العمليات وانا بولد

حماتي وجوزي دخلو معايا غرفة العمليات وانا بولد
مصطفي جنب ودنى يارب ولد يارب ولد يارب ولد 
أم مصطفي طبعا ولد بأذن الله
الدكتور في غرفة العمليات
مصطفى بقلق دكتور طمني جابت إيه
الدكتور دا بدل ما تقولي عاملة إيه علي
العموم جتلك بنت زي القمر
مصطفي پصدمه إيه بنت
ام مصطفي أنا قولتلك أن وشها مش وش أولاد
وتزعلش ياحبيبي بكره تحمل تاني وتجبلك الولد اللي نفسك فيه بس المرة الجاية بقي لو ماجبش الولد هنرمها ف الشارع هي وبناتها محناش نقصين قرف

الممرضة لو سمحت المدام فاقت لو عاوزين تدخلولها
مصطفي بحزن يالا يا ماما تعالي ندخلها
مها بفرحة مصطفي مبروك علينا ياحبيبي بص شوف بنتنا حلوة إزاي مصطفي مالك أنت باصص في الأرض ليه أنت مش فرحان مصط 
أم مصطفي مقاطعة هيفرح علي إيه يا حسرة بقالكم سنتين متجوزين وحفي من الجري بيكي علي الدكاتره علشان تحملي وفي الاخر ههه جيبالو بنت
مصطفي كفاية يا ماما ألف سلامة عليكي يا مها يالا يا ماما علشان نروح
مها إيه هتروح وتسيبنا أنا وبنتك هنا
مصطفي لما لدكتور يكتبلك الخروج بكرا هاجي أخدكم
مها والدموع علي خدها دا أنت حتي مبصتش علي بنتك
يا ماما
مها إنهارت من العياط يارب أنا مليش غيرك يارب مليش غيرك أهلي سبوني لوحدي من بعد الحاډثة اللي عملوها وهما ريحيين المصيف كانو عاوزين يخدوني بس أنا كنت تعبانة من الحمل ومقدرتش
أروح معاهم ليه ياربي مخدتنش معاهم ليه 
فجأة حست بإيد بتطبطب عليها !
بتبص لقيت راجل بس كانت أول مرة تشوفه شكلو غريب بس وسيم جدا وبيبتسملها
مها أنت مين وهنا من أمتي
الراجل أنا سمعت عياطك وجيت أواسيكي
مها بس أنا أول مرة أشو 
كما حصل الرجل مقاطعا هشششش لازم ترتاحي دلوقت هديكي حنقة تهديكي شوية
منار مها مها فوقي مها كل دا نوم
مها بلفهة مناااار حبيبتي أنتي جيتي من السفر أمتي متعرفيش أنا كنت محتاجلك قد إيه
منار علشان تعرفي إن صحبتك حاسة بيكي وأول ما وصلتني رسالتك جتلك علي طول
مها رسالة إيه أنا مبعتلكيش حاجة
منار أهي يابنت
مضمون الرسالة منار أنا محتاجلك قوي جوزي وحماتي سبوني وأنا لسة والدة سبوني أنا وبنتي ومشيو معرفش حد غيرك الجألو من بعد ما أهلي كلهم ماتوا ف الحاډثة وعمتو أماني سفرت لندن مليش حد غيرك أرجوكي أنا محتجالك قوي مها 
منار وكمان بعتيلي عنوان المستشفى
مها لاء أنا مبعتش الرسالة دي حتي تلفوني أهو معليهوش حاجه خالص شوفي مافيش حاجه قولتلك
منار أنتي أعصابك تعبانة ماعلينا
مها لاء أنا مش مچنونة مانتي شفتي التليفون
خلاص يابنتي متكبريش الموضوع
مها إستني إستني الراجل الراجل اللي كان هنا كان هنا ف نفس الوقت اللي اتبعتت فيه الرسالة ممكن يكون هو اللي بعتها طب هو عرف أنك صحبتي منين