الجزء الثالث والرابع من حور الزين

والله بجد قلبى واجعنى اوى بحب اوى اشم ريحته يوم لما جيتوا بعد ما روحتوا محستش بنفسى غير وانا قاعده على رجله ودافنه وشى فى رقبته فضلت كده ربع ساعه بشم ريحته بس بحاول اشبع منه علشان لما يسيبنى انا حتى قلتله انه يسبنى على ذمته ويعيش عادى ويتجوز لو عايز
نورهان بحزن ده جوزك يا حور ليه تقبلى على نفسك بكده
حور بحبه عايزه افضل معاه عايزه افضل شيفاه مبسوط حتى لو مع واحده تانية...الى بيحب حد بيحب يشوفه مبسوط
عند زين فى الشركه
زين بندم كنت متعصب اوى انهرده وزعقتلها جامد
ادهم انت بتنيلها اكتر يا زين يا خرابى عليك

زين معنتش قادر والله تعب كل يوم تصعب عليا اكتر من الى انا بعمله فيها وهى ساكته ومستحمله حاولت احبها والله معرفتش مع انها حنينه معايا اوى تتمنالى الرضا ارضى
ادهم بعصبية البت دى خساره فيك يا زين انا ماشى حړقت دمى يا شيخ
خلص زين شغله وراح على بيت اهله
فى الفيلا
نورا اتأخرت كده ليه يا زين كلنا مستنينك
زين معلش يا حبيبتى كنت مشغول
كله قاعد على السفره و نورهان مش طايقة زين علشان الى عمله فى حور
عماد لما نخلص عايزك يا زين
زين حاضر يا بابا
خلصوا اكل وزين راح مع عماد على أوضة المكتب
فى المكتب
عماد اخبارك انت وحور اى 
زين بتريقة زى الفل بس حور بټعيط اليوم كله تقريبا وانا متعصب عليها ليل نهار كل الى فيا بيطلع عليها وعارف كمان اول ما دخلنا الشقه قلتلها انى مش بحبها ولا عايزها وانى مجبر عليها ومن كتر العياط نفسها بيروح مش بتقدر تتنفس فى الأول قالتلى ان ده عادى وكان بيحصلها قبل كده بس بسبب الى حصل من يوم متجوزنا بقا نفسها بيتقطع بالربع ساعه روحنا للدكتور علقت محاليل وكانت بټموت تقريبا اى رأى حضرتك بقا احنا تمام اوى
عماد بعصبية انت مش راجل مش عارف تتحمل مسأولية وحده هو انا مجوزك واحده من الشارع دى بنت صاحب عمرى وفى مقام عمك الله يرحمه انت شكلك عكتها جامد يا زفت انت البت شكلها مش طبيعى
عماد طلع ينادى على حور
عماد حور عايزك
حور حاضر يا عمو
عماد حور زين عامل اى معاكى
حور بكذب عامل ازاى يا عمو زين زى الفل معايا ربنا يخلهولى
عماد حور متكدبيش عليا زين قالى كل حاجه
حور وعنيها مليانه دموع قالك اى يا عمو
عماد قام حضڼ حور قالى على الى بيعملوا معاكى وعلى الى قالهولك
حور مقدرتش تتكلم وقعدت ټعيط
زين بعصبية بلاش عياط هتتعبى
حور بعياط ملكش دعوه بيا
زين بعصبية اتكلمى عدل يا حور بدل ما اتنرفز عليكى
حور اڼفجرت فى زين هتتنرفز عليا امال انت مش متنرفز دلوقتى ما انت علطول متنرفز عليا يا شيخ ده من يوم ما احنا اتجوزنا