قصه كامله

أنا منفصله أنا وزوجي من سنه تقريبا وعندنا بنت وولد ٩ سنوات و٧ سنوات
الانفصال بسبب مشكله كانت بسيطه بس أمي وأختي قالولي اطلبي الطلاق وأنا مش عارفه ازاي سمعت كلامهم وأول ما طلبت منه الطلاق
قالي ده اخر كلام قولتله اه اخر كلام
وراح طلقني عند المأذون وقالي مش عايز الدهب المهر بس مش هدفع المؤخر وانا وافقت وخدت جهازي بس

واتفق معايا ومع بابا انا خدت الاولاد عند بابا وهو هيبعت مصاريف الاولاد
وانا من بعد ما طلقني باسبوع وانا على امل اني ارجع حتى مدخلتش محكمه
لان من الخطوبه كان بيقولي حاجتين مبسامحش فيهم ان الست بأي صوره او تخش محمكمه قصاد زوجها
الفكره ان كل إللي قالوا ليا اطلقي محدش بيسأل فينا حتى امي للاسف
وهو إللي بيسأل علي الاولاد دايما وبياخدهم كل اسبوع يخرجوا يتفسحوا ويبعت معاهم مصاريفهم وهو بيروحهم
ولما لقيت المصاريف بيفيض منها بسيط اجرت شقه منفصله عشان مرتحتش في بيت ابويا
لقيته زود مصاريف الايجار على مصاريف الاولاد وبيسأل على الاولاد دايما وعلى مذاكرتهم
ولما احتجت فلوس عشان كان عندي مشكله في سناني وكانت عايزه مبلغ
ولا امي ولا حد من اخواتي ساعدني
ولما البنت قالتله حط المبلغ بزياده شويه كمان في ظرف ولقيته كاتب على الظرف اجر حضانه 
انا فهمه انه بيرفع عني الحرج في اني اخدهم
وقولت للاولاد يقولوا يا بابا عايزنك معانا وكده وبتوحشنا ومفيش حاجه منه
وكلمت اخته عشان تصلح
إللي فهمته منها إن زي ما أنا إللي طلبت منه الطلاق أنا إللي أطلب منه اني ارجع واعتذ ليه لكن هو مش هيبادر انه يرجعني حتي لو لمحت ليه 
طب انا الكلام بينه وبينه منعدم خالص من ساعة الانفصال كأننا بقينا غربه
وكلمته في التليفون عشان ققوله اني ارجع معرفتش ققول كلمتين على بعض وغيرت الموضوع اني ببلغه حاجه عن الاولاد
اكلمه ازاي هو جي ياخد الاولاد يخرجهم بكره وان عملت ليه الاكل إللي بيحب ياكله من ايدي هبعته مع الاولاد بس عايزه اتشجع اكلمه اني ارجع لان كل ما اجي اكلمه اغير الموضوع 
وشكرا 
تعليق دي مشكلة أخت بعتاها لأحد الدعاة الأفاضل وأنا عن نفسي بقولها من كل قلبي اطلبيه وقوليله عايزه أرجعلك ونعيش سوا معانا أولادنا لأن ببساطة ده رجل لا يعوض بيعاملك بالإحسان رغم جحودك وطلبك للط لاق وبتقولي بدافع من والدتك وخالتك فاتق الله وارجعي لهذا الرجل لأنه من القلة النادرة اللي بيتعامل بالإحسان حتى وقت الانفصال اللي زي ده أكيد كان بيعاملك أفضل معاملة وانت زوجته لكن شيطانك وشياطين الإنس خربوا حياتك فارجعي وقوليها بكل صراحة له انك ند مانه وعايزه ترجعيله 
على النقيض تلاقي ذكور مفيش عندهم أدنى إحسان في الانفصال
وأكلين للحقوق ومضيعين وناكرين لكل جميل فهذا لا يبكى عليه ابدا
نصيحة لكل