روايه رائعه
ولا خلفت ولا تعرف العيل بيسكت ازاى
انا سمعت كلام حماتي والدموع نزلت ڠصب عني ومروة لما اخدت بالها قالتلها ان شاء الله ياماما بكرة اماني تخلف ويبقا عندها عيال اكتر مني
نوال
يارب يامروة هو انا اكره يعني
اماني
طيب انا هطلع فوق في شقتي طالما مش هعمل حاجة هنا عن اذنكم وسبتهم وطلعت واڼهارت في العياط ومكنتش قادرة اخد نفسي
نوال
هو انتي يابني مش ناوي تفرحني بقا
شريف
افرحك ازاى ياماما
نوال
انت فاهم ياشريف فاهم وعارف انا اقصد ايه انا بتكلم على موضوع الخلفة
شريف
تاني يا أمي هنتكلم في الموضوع ده انا مش قولتلك كذا مره اننا بناخد علاج انا واماني وربنا يكرم
نوال
شريف
منا هعملها لاماني بس مستني بس تخلص العلاج اللي هي بتاخدة
نوال
ايوه قولي بقا انه العيب منها ومش عارفه تخلف وانت بتعالجها
شريف
يا أمي أنا مقولتش كده انا قولت انه العلاج ليا انا وهي يعني العيب فينا احنا الاتنين
نوال
شريف
لا طبعا يا أمي أنا عمري ماهتخلي عن اماني ولو سمحتي متتكلميش في الموضوع ده تاني عشان خاطري ياماما
وسبها وطلع لاقاني اقعده مڼهارة من العياط ودخل قالي
لا حول ولا قوة الا بالله هو انا كل مارجع من برة ادخل الاقيكي اقعده بټعيطي هو في ايه يا اماني هو احنا مش هنخلص من النكد ده بقا
ايوه مانت مش حاسس بيا خالص ولا عارف اللي بيحصل والكلام اللي بسمعة كل يوم من مامتك وبيحرق في دمي مانت مش خسران حاجة
شريف
لا عارف كل حاجة يا اماني بس بأيدي ايه اعمله ومعملتهوش وبعدين انتو ليه مش قادرين تفهموا انه لسه وقته مجاش وكل حاجة بايد ربنا ياجماعة حرام عليكم بقا انا تعبت من كتر النكد اللي معيشيني فيه ده
خلاص يبقا تعرف مامتك انها تبطل تلقح عليا بالكلام كل مابتقعد مع حد انا مبقتش استحمل كلامها عشان بعد كده ياشريف هسيبلكم البيت واروح بيت ابويا احسن
وسبته ودخلت الاوضه وشريف اعد لوحده وبيفتكر اليوم اللي طلعت فيه نتيجة التحاليل
فلاش باك
شريف
شوف ياعماد التحاليل دي كده
ايه التحاليل دي ياشريف
شريف
ايه رايك
عماد
رأي ايه التحاليل دي بتقول ان صاحبها لايمكن هيخلف ابدا ده كمان مستحيل
شريف بحزن
ايوه ياعماد عارف
عماد
تحاليل مين دي ياشريف
شريف
بتاعتي ياعماد بتاعتي
عماد
ايييه معقولة ياشريف
شريف
وانت مستغرب ليه يا عماد دي ارادة ربنا ونصيبي كده اي هنعترض ولا اي
عماد
ونعم بالله لا طبعا مش هنعترض بس ياحبيبي انت عارف ان ماما نفسها تشوف عيالك
شريف
عارف بس هعمل ايه هو انت عندك حل تاني الورق قدامك اهو بيقول اني لايمكن اخلف وانا بقول الحمد لله انا راضي
عماد
معلش ياشريف ياخويا برضو نخلي عندنا شوية امل
شريف
ده كلام احنا بنصبر بيه الناس ياعماد مش هنضحك على نفسنا احنا كمان المهم دلوقتي انا مش عايز حد يعرف بالموضوع ده خالص خصوصا ماما
عماد
اكيد طبعا ياشريف ولا اي حد في الكون هيعرف وان شاء الله نلاقي مخرج
ورجع شريف من تفكيرة وقال
مش عارف اعمل ايه مش عارف هل ليها حل ولا لا طيب لو محصلش هفضل في نكد وزن من مراتي وامي كده
كتير ولا ايه
واتصل على عماد وقالة انه هيروح يزورو في العيادة بتاعتة ودخل عنده العيادة
اهلا يادكتور شريف ده ايه النور ده ياحبيبي
شريف
اهلا بيك ياعمده ياعم انا قولت احنا اخوات وعايشين
