روايه للكاتبه روني محمد

الجزء الاول
تحب تشرب ايه حضرتك 
بصلها باعجاب وقال 
نعم 
احم ولا حاجة عاوز حاجة ساقعة 
اي حاجة منك حلوة 
مشيت عسان اجيب طلبه ورجعت لقيته
جه مدير المطعم وقال 
في ايه ايه الي بيحصل هنا 
الاستاذه بقولها عاوز قهوة مظبوط تجبلي بيبسي 
بس اټصدمت لما لقيت المدير بيقول 
احنا بنعتزر لحضرتك عن الي حصل وانا هطردها من المكان لو حبيت 

اتغظت وقلت 
تطرد مين يا عمود النور انت دانت واقف هنا زي التيشه انت عارف اخلاقي كويس واني مستحيل اعمل كده 
المدير امشي قدامي عالادارة وانا هتصرف معاكي 
لا بقولك ايه ولا تتصرف ولا متتصرفش انا ماشيه
انا همس خريجة سياحة وفنادق الدنيا ماشية بضهرها وحطت عليه من يوم ما اتخرجت من الكلية وانا بتنقل من شغلانه لشغلانه بس المطعم الاخير ده هو الي طولت فيه اعدت فيه رقم قياسي شهرين واسبوع رغم اني كنت على اخري من مدير المطعم البارد ده الا اني خلاص فشيت غليلي فيه ومشيت 
روحت البيت ولقيت سمر صاحبتي مستنياني احنا عايشين في بيت واحد ماهو انا ملييش حد بعد ما ابويا ماټ ومن بعده امي اما سمر فملهاش غيري بعد ما امها ماټت وابوها اتجوز واحدة تانيه 
واول ما شافتني قالت 
شكلك مطرودة 
انتي بتقولي فيها دا انا دايس عليه قطر 
مين القطر الي يقدر يزعلك وانا عايشة 
كبري دماغك المهم لسه الفندق الي بتشتغلى فيه طالب ناس تشتغل ولا لأ 
اه طبعا هما يطولوا ان البرنسس همس تشتغل معاهم 
يعني هشتغل مديرة الفندق مانا هتنيل اشتغل روم سيرفيس 
سلم المجد بيبتدي بخطوه خليكي متفائلة 
مانتي شغاله معاهم بقالك سنتين اهو مطلعتيش السلم ليه ولا انتي على حظك وقعتي فالسلمة الكسورة 
وحياتك يا همس سبيني في حالي متقلبيش عليه المواجع 
تاني يوم
سمر اخدت همس الفندق الي بتشتغل فيه وهناك قابلت المدير وبعد ما شاف السي في بتاعها قال 
تقدري تستلمي شغلك من النهاردة لو حابة ومعاكي سمر
هتعلمك كل حاجة 
مم ماشي شكرا ليك 
اهم حاجة النضافة والترتيب والانضباط وقبل كل ده الامانة 
سمر متقلقش يا مستر مراد همس دي نسخة مني ومن جهه الامانة فمتقلقش 
تمام يلا تقدروا دلوقتى تروحوا على شغلكم 
انا وسمر طلعنا غرف الفندق وكنت بشتغل انا وهي مع بعض وبعد كام ساعة قولتلها 
ده ايه الهدة السودا دي دا انا كعوب رجلي فقفقت من الوقفة والشغل الي مبيخلصش 
هنعمل ايه بقى لقمة العيش يلا بس خلينا نخلص عشان نلحق نروح نتغدا ونريح شوية قبل ما نرجع للشغل تاني 
طيب يا ختي هخلص
اهو 
خلصت شغل انا وسمر وكنا مروحين اخر اليوم لقيت سمر تعبانة فقولتلها 
اطلعي انتي يا سمر وانا هجيب مسكن من الصيدلية واحصلك 
طب هجي معاكي ونطلع سوا 
لا دانتي شكلك تعبان اطلعي خدي دش عقبال ما اجيب المسكن والعشا وارجعلك 
ماشي متتأخريش 
سمر طلعت البيت اما همس فراحت

الصيدليه وهي طالعة كانت بتعد الباقى مخدتش بالها من العربية الي جاية