قصة فخ طبيبه
هما مش عارف حصل لهم ايه بعد ما عرفوا بحوار السكري اللي عندك ومصممين إننا .... ءأ ءا .. مصممين يعني اننا .....
مكانش قادر يكمل جملته الجبان التافه ضعيف الشخصية لحد ما صړخت فيه أنه ينطق وبالفعل نطق وقال لي إنهم عايزينه يفسخ الخطوبة..
وبالرغم من إني اتصلت بيه علشان أفسخ معاه إلا إن الدنيا لفت بيا والسكر بدأت يرتفع أكتر ومكنتش حاسة بأي حاجة صوتي كان بيهبط تدريجيا وانا بزعق له واقول له
الفون من الرعشة وقع مني ووقعت على الأرض ولولا إن اهلي كانوا صاحيين في الصالة وسمعوا صوتي كنت ھموت مكاني ومش هيعرفوا غير الصبح..
تخيل كده يا استاذ سيد إني اتعرض للصدمة التالتة في أقل من عشرة أيام صدمة اتهام رامي بالتحرش وصدمة اصابتي بالسكر والصدمة الأكبر هي صدمتي في رامي
ليلة كاملة في العناية المركزة شفت فيهم اهتمام كبير من زمايلي في المستشفى سواء أطباء أو صيادلة وفنيين التحاليل وطقم التمريض كله ما عدا طبعا الطبيبة
الأوڤر أس المشاكل دي كلها..
مفكرتش حتى تيجي تقول لي سلامتك مع إن الفخ الحقېر بتاعها ده كان سبب كل البلاوي دي..
بابا راجل طيب أوي وكان معتقد إن رامي مش قادر ييجي يزورني في المستشفى علشان مكسوف من زمايله بعد الڤضيحة اللي حصلت عندنا هنا..
ولما رجعت البيت حكيت له إن بابا رامي ومامته أجبروه يفسخ معايا..
ض
مش عايزة اشوف نظرة شفقة ولا شماتة في عين حد من قرايبي وزي ما قلت لك بالذات خالتو وردة وابنها لأنها اتكلمت مع ماما من سنتين علشان تخطبني لمعتصم وانا رفضت بدون نقاش لأن معتصم أيامها كان بيشتغل مندوب توزيع في شركة سلع غذائية وبصراحة كان ده سبب رفضي..
أكيد خالتي جاية تشمت شوية وتقول لي بعيونها أهو الدكتور اللي اتكبرت على ابني وأخدتيه شوفي عمل فيكي ايه ووصلك للحالة دي ازاي.
معتصم مش وحش ولا جاهل ده بالعكس دماغه نضيفة وشاطر في شغله ومجتهد جدا وبيعزني خالص بس كل الفكرة اني مش مستوعبة اني ارتبط بحد مش دكتور..
الغريب أن معتصم كان ماسك شنطة هدايا في إيده وفتحها كده وهو بيقول لي
_ بصي انا عارف ان الظرف مش مناسب بس معلش معرفتش أعديها المرادي..
طلع لي من الكيس فيل معمول بالقطن ومنقوش عليه اسمي lilian وتاريخ ميلادي ومكتوب عليها Happy birthday to you
انا اتخطفت من الموقف في لحظتها وبصيت للهدية وانا ساكتة وهو يا عيني اتخض أعتقد اني
