الجزء السادس من هند واسلام
انت في الصفحة 2 من صفحتين
تشربي الشاي معايا
علي ما الغداء يجهز
فا ابتسمت لها..
وقلت...انا فعلا عايزة اقعد معاكي
بس للاسف
عندي مغص جامد
لحظة واحدة هروح اعمل شوية اعشاب
واجي اقعد معاكي
وبالفعل..مصدقت اني لقيت حجة لدخول المطبخ
وبعدما دخلت المطبخ
اتاكدت اني لوحدي
في المطبخ
فتحت كل الحلل الي فيها الاكل
بتاع الغداء
وحطيت السم في الاكل
الي هياكلوا منه العيلة كلها
عملت الاعشاب
وحطيتها في كوباية
و اخدتها
وخرجت...
عشان اقعد مع ام اسلام
وفضلت
اتكلم ....وابتسم... واتجاوب مع الجميع
وبعد شوية
لقيت ام فنجان جاية
بتقول
اتفضلوا..الغداء جاهز ع السفرة
فا بصتلي ام اسلام
وقالتلي..
يلا يا مني
عشان تاكلي معايا
فا شاورت علي كوب الاعشاب الي كان مازال ادامي
لا للاسف مش هقدر اكل
دلوقتي
عشان المغص
انا شربت الاعشاب...
وشوية كده وهبقي اكل
فا هزيت ام اسلام راسها
وقالتلي..
خلاص براحتك
وحمدت ربنا انها تركتني براحتي
للكاتبة..حنان حسن
وكنت فاكرة اني نجحت وخلاص
هخلص منهم كلهم
لكن...في لحظة
لقيت اسلام واقف ادامي
وبيطلب مني اني اكل معاهم
طبعا انا ااعتذرت
تاني
وقلت مش هينفع اكل
فا قرب اسلام مني
وقالي..
طيب ولو قلتلك تعالي اقعدي جنبنا علي السفرة
واحنا بناكل
عايز احس انك بداتي تتكيفي مع العيلة يا قلبي
هتكسفيني
ابتسمت ورديت باسف
وقلت...معلش يا اسلام
بجد تعبانة
ومش هقدر اكل
فا بصلي اسلام بشفقة
وقالي..
لا يا مني
انتي مش تعبانة
وبطنك مش بټوجعك
وانا عارف سبب سدة نفسك
وعارف ايه هو علاجك
سابني اسلام ...ومشي...
واختفي من المكان نهائي
في اللحظة دي
مركزتش مع اسلام
وفضلت اتابع الجميع علي تربيزة السفرة
وشوفت الكل وهو بياخد مكانه علي السفرة
و بيستعدوا لالتهام الاكل الشهي الي علي التربيزة
وفضلت مركزة معاهم
عشان اشوف
مين اول واحد فيهم
هياكل ...من الاكل المسمۏم
وانا بدعي
انهم ياكلوا كلهم
واخلص منهم جميعا
لكن ...
قبل ما يمد الجميع ايديهم في الاكل...
حصلت حاجة غير متوقعة
والحاجة دي هي...
اني سمعت صوت اسلام بينادي عليا
من عند الباب
وبيقولي...
مفاجئة يا مني...
شوفي مين جاي يتغدي معانا
فا بصيت بسرعة
باتجاه اسلام عشان اشوف مين جاي معاه
ولقيتة فعلا...
جايب معاه مفاجئة
غير متوقعة
مفاجئة
خلتني اندم
علي فكرة السم
وحولت الفكرة لورطة حقيقية
عارفين اسلام كان جاي وجايب مين معاه........
صلى على النبى وياريت العشر ملصقات
