حب عمرى

والحل
_بصي متبصيش في عينو وانتي بتتكلمي عشان قالي في مره إن البيكدب في حاجه في عينو بتتحارك باين وحاولي تسيطري على حركاتك وانتي بتتكلمي عشان ده بيفهم في لغة الجسد
_ياربي منو بيعرف في كل حاجه
_يوسف پقا هو اي حد
_طيب خلاص هجيلك بكرا
_تيجي بدري قبل ما ينزل الشغل يا روز
_اتفقنا
قفلت مع سلمى وانا بتخيل اي اللي ممكن يحصل لو خططي نجحت نمت وانا بفكر فيه
وجيه تاني يوم صحيت بدري غيرت هدومي وعرفت ماما انا رايحه فين وروحت على بيت سلمى على طول
رنيت الجرز وثواني وكان هو اللي فتح الباب فتحو ودخل من غير ولا سلام ولا كلام البارد سلمى

شافتني جت عليا وقالت
_اهلآ اهلآ ب العروسه
_عروسه اي يا سلمى لسه مڤيش حاجه
طنط مامتها قالت
_اي يا روز هنفرح بيكي قريب ولا اي
_مش اوي يعني يا خالتي هو عريس متقدملي لاكن انا مش موافقه
_ليه يا بنتي اي اللي يعيبو
_ميعبوش حاجه والله يا خالتي بس انا اللي مش عايزاه انا عايزه واحد ليه هيبه كدا مقامه عالي وياسلام پقا لو ظابط زاي أبطال الروايات
_الروايات كلت دماغك إذا كنتي انتي ولا الموكوسه التانيه اقعدي افطري يلا اقعدي
قطع كلامنا صوتو من اوضته وهو بيقول
_القهوه يا سلمى
ډخلت سلمى عملت القهوه وقدمتها ليه شربها في اوضته ونزل من غير ولا كلمه
ونزلنا انا وسلمى روحنا الشغل واحنا قفانا بيأمر عيش زاي مابيقولو
_اخوكي ده بني ادم زاينا ولا حجر ده لوح ده لو ابو الهول كان نطق ده انا قولت عايزاه ظابط اعمل اي تاني اقول اسمه عشان يفهم
_انا قولتلك ده مڤيش حاجه هتهزه
_ماليش دعوه يا سلمى اتصرفي عايزه اتجوزه اي الحل
_الحل إنه يحبك
_ويحبني إزاي
_معرفش يا سلمى معرفش يوسف اخويا غامض يعني معرفش بيحب اي وزوقه اي واي اللي يرضيه محډش فاهم يوسف ولا يعرف دماغو فيها اي
روحنا الشغل وانا فاقده الأمل فيه وفي قلبي اللي بيحبو
عدا يومين وانا مبروحش عندهم وماليش دعوه بيه وهو مسألش زاي عادته
وانهارده بعد الشغل سلمى كانت مصممه إني اجي معاها عشانها مش عشانه
وفعلآ روحت